檸 檬 小 調 ♪

(注: BLOG主今日心情嚴重暴燥, 往後內容會出現超多粗口, 大家因住嚟食用喇~)

覺得依個月嘅自己真係好叉運滯.   基乎成日頭頭碰著黑咁樣. Darker than black 就係咁解喇. 所以依句嘅中文應該係叫做 黑過墨豆.

先嚟係上上個禮拜無端端嚮屋企 咢高個頭成條脊椎部份D肌肉都扭傷晒.   嚮屋企做木乃伊瞓咗兩日.

然後就係今個禮拜仲大鑊..女人依種可惡嘅生物每個月都會有個禮拜好慘. 果日下半身已經痛到唔係自己咁..企咗1個鐘終於頂唔到要同SUPER講俾我番去囉. 好彩果日SUPER都俾我早退. 真係幾年嚟都冇過咁痛㗎! 佢老味啊!

之後就唔知係貧血定係瞓嚟頸喇...依兩日一起身就頭痛到爆. 今日仲要隨身帶住支安美露STAND BY..然後全日起勢咁揸. 搞到同事話聞到我身上有陣"老人除". 大佬啊! 估我想㗎!! 已經痛到揸咩, 食咩藥都免晒疫. 仲未算黑....跟住自己唔知點樣好低能咁左腳拗柴. (shit!) 天啊!! 不如你俾我安樂死喇好冇!!

唔知係諷刺定係整定...入到lunch room佢貼咗張memo話.. 員工申請嘅401k保障計劃.. 有幾個situation可以收錢..

• 做到60歲仲捱緊 ... 有錢收
• 死咗之後 ... 有錢收   <<我只有等依個囉.
• 斷手斷腳廢咗之後 ... 有錢收

我真係唔想留嚮依間黑點道養老囉~

因為依間嘢d老細係人渣, 某d客直頭可以拎埋去堆田區囉.

好似今朝早一開門冇乜客..個SUPER又未番..咁我咪同同事嗲兩句囉. 中間個客嚟買嘢話要多包豉油. 我哋掛住講唔記得咗俾包豉油佢係我哋唔啱..但係條含家長話我哋一直傾計冇理到佢..做嘢又做瀏.

同事已經嗱嗱聲俾咗包豉油佢再加多句對唔住喇..真係請佢好好放低!! (aka: 屌佢老味個X)   條茂利行咗出去仲鬧緊我哋. 仆你個街!! 買少少嘢 要依樣要果樣已經忍叉咗你喇~ 仲嫌三嫌四..我份糧有幾多, 我就做番幾多嘢俾你! 我係等緊依間嘢炒我㗎喇..恨不得快D叫老細炒咗我添啊! 係咁㗎喇~

買少少嘢搭筷子搭豉油俾你已經係盡人義喇~ 同事話齋 " 食到咁撚鹹 , 因住心臟病喇!"

7蚊幾一個鐘人工 要托米托啤酒, 買嘢要送筷子, 搭豉油, 賣笑..依D咁嘅工作內容..你仲想我俾到D咩服務你啊! 學人咁撚有性格 下次唔好嚟買嘢囉笨柒!!