檸 檬 小 調 ♪

每個人內心都有可能係渣..依一點大慨係可以講得通. 冇人係完美, 我唔係聖母. 但係我希望自己冇得罪過對方, 對方亦唔好太得吋進呎!

話說今日全日都好Q黑仔. 光係一大早去番工搭車果陣就踩屎遇到D賤人.

為咗大家更加清楚了解情況...下面依張圖...就係當時..我搭巴士果陣嘅情形.

SF政府D巴士有規定..前座 或者係車窗上有個藍色牌寫住"要讓位俾D老人同殘障人士"嘅座位..係無論如果都要讓出嚟. 普通席嘅話..就睇視乎你係咪一個人渣 OR 冷血冇同情心嘅乘客 會唔會讓位俾D有需要嘅人. (當然一般係好少會讓㗎喇.)

我就如常咁搭果部巴士去番工. 見到近車門有人落咗車..咁就當然我行去坐. 然後坐我斜對面就係 路人A同阿B. 佢哋由一開始見到自己面前企住個都上咗年紀嘅人都冇意願話起身俾果個大年紀嘅人坐. 重點係..佢哋坐緊果道就係寫到明要讓位嘅區.

過咗冇幾耐..有個著住爛爛哋件衫嘅阿伯. (鬼佬, 50幾左右) 上咗車行過嚟..周圍望咗一望就對住我 SHOW自己個荷包入面有張 唔知係乜撚嘢嘅卡. 我估十成係D HANDICAP嘅証明卡喇. 咁佢兜口兜面咁拎住張卡嚮我面前揚咗嘢..我0.5秒就即刻講SORRY 再企起身俾佢坐.

之後我就諗佢冇權事必要我讓果個位佢坐..明明俾D HANDICAP坐果排位..有兩條友點睇都後生過我. 佢冇叫佢哋行開.. 騎馬過海!! 我企隔離就開始聞到個阿伯身上有陣好似HOMELESS嘅臭味..所以就更加嬲!! 個阿伯仲坐落咗唔夠5秒..就即刻起身行咗落去後座道坐.

佢老母正粉腸!  係咪因為見我個樣係ASIAN所以就要呷我啊!?

事先講明..我唔係歧視流浪漢, 亦唔係歧視老人..我係人渣. 平時都好少做善事..係我衰格. 但係我只係想講..一個自由嘅國家應有嘅人權..唔係咁用㗎! 你要人哋尊重你..首先你都要識得點樣尊重人!! 我肯企起身讓位俾你坐 至少我仲有叮咁多良心. 讓你係盡人道, 唔讓亦係道理!! 有乜理由..你見到果兩個後生坐住HANDICAP位唔叫佢哋起身 要我依個坐普通席嘅讓俾你坐啊! 食屎大㗎你?? 持住自己有果張咁嘅卡就任意打橫行..正因為有依D咁嘅人..更加唔值得我去同情! 係啊! 我以後見到其他乞衣都俾錢就係唔俾好似你依D咁嘅賤精!!! 點啊!!

之後番工..放飯時間..個豆膶LUNCH ROOM..坐滿晒人..死肥佬唔係食飯但就霸叉住個位嚮道同D墨仔吹水. 仆佢個臭街!! 我哋依D嚮出面企到痴線得果10分鐘可以入去坐吓就係因為佢 搞到要企多10分鐘..

點解依個世界咁撚多賤人㗎o者!!? 屌理!!!